Ayah Kami

Judul Lagu: Ayah Kami
Ciptaan: Masroel Mamudja

Tuhan oh Tuhan kuaikkan iman den
Cobaan engkau lah tibo
Urang den sayang yo ayah kanduang
Kini alah baimbau pulo

Tangih nan indak takaluakan
Bagumam ratok di dado
Jasonyo ayah nan alun tabaleh
Kininyo ayah alah tiado
Dahulu jo tulang salapan karek
Ayah manjokan kami sadonyo

Ayah oh ayah den paluak kaki ayah
Mamintak ampun oh ayah
Ayah nan alun dapek den sanangkan
Tanah di siko mintak kuburan

Adiak jo kakak maluluang tinggi
Maratok baibo hati
Dek kami ayah tiang utamo
Kini jo mandeh apo lah dayo
Oh Tuhan linduangi ayah kami ko
Lapangkan arwahnyo dalam kubua

Ayah oh ayah den paluak kaki ayah
Mamintak ampun oh ayah
Ayah nan alun dapek den sanangkan
Tanah di siko mintak kuburan