Ranah Minang

Judul Lagu: Ranah Minang
Ciptaan: Evan Budyana

Rang Padang badendang pauah
Rang Piaman pandai baindang
Rang Pasisia manggesek rabab
Oi Rang Agam basaluang dareh

Sijunjuang lanseknyo manih
Kok Solok lamak barehnyo
Payokumbuah kota galamai
Di Bukiktinggi karupuak sanjai

Oi Ranah Minang tanah den cinto
Pusako bundo sajak dulunyo
Sarambi Makah urang himbauan
Adaik jo Sarak samo sajalan

Rumah Nan Gadang sambilang ruang
Rangkiang baririang di halamannyo
Gunuang Marapi nan jo Singgalang
Tagak manjago Minang tacinto

Pagaruyuang jo Batusangka
Danau Singkarak nan jo Maninjau
Bonjo Kota Katulistiwa
Baragam Tambo di Minangkabau

Manih mandayo si Gadih Minang
Babaju kuruang jo basalendang
Pandai mangaji rajin sumbayang
Urang maliek banyak nan sayang

Oi Ranah Minang tanah den cinto
Pusako bundo sajak dulunyo
Sarambi Makah urang himbauan
Adaik jo Sarak samo sajalan

Yo sumarak Runan nan Gadang
Ka jadi Tambo di Minangkabau
Sanak di rantau janguaklah pulang
Kampuang halaman kini lah jombang

loading...

loading...