Anak Sarugo

Judul Lagu: Anak Sarugo
Ciptaan: Upiak Isil

Masih tabayang galak manihnyo
Masih tangiang-ngiang rengek manjonyo
Buah cinto kito bak ameh intan parmato
Paubek hati kito baduo

Pamenan diri parintang susah
Paubek risau di hati urang sarumah
Kini lah tiado lah pai manutuik mato
Dijapuik Tuhan Nan Kuaso

Badarai-darai juo si aia mato
Raso tadanga juo yo suaronyo
Dek Tuhan sayang mangko capek dibao
Manjapuiknyo

Kasiah mandeh indak ka ado abihnyo
Basabuang nyao mangko dulunyo ado
Laloklah nak
Tananglah di sarugo

Pamenan diri parintang susah
Paubek risau di hati urang sarumah
Kini lah tiado lah pai manutuik mato
Dijapuik Tuhan Nan Kuaso

Badarai-darai juo si aia mato
Raso tadanga juo yo suaronyo
Dek Tuhan sayang mangko capek dibao
Manjapuiknyo

Kasiah mandeh indak ka ado abihnyo
Basabuang nyao mangko dulunyo ado
Laloklah nak
Tananglah di sarugo


Judul Lagu: Anak Sarugo
Ciptaan: Sexri Budiman

Lah lamo nak mananti buah hati
Kasiah Tuhan mangko kandak dibari
Dapek juo pamenan mato
Buah cinto ayah jo bundo ayah jo bundo
Elok laku nan santun jo panyayang
Ka panungkek dek mandeh isuak kok gadang

Bakicuah nak bakicuah mandeh kanduang
Barangguikkan kasiah sadang tatuntuang
Capek bana janjian tibo
Lah dijapuik di nan punyo anak sarugo
Tungga babeleang buyuang dek mandeh surang
Jantuang hati ko bana nan lah hilang

Alun lai pueh mandeh mambuaikan
Tangih nan manjo nan tangiang-ngiang
Takadia sia dapek manulaknyo
Jadilah kini jadi anak sarugo

Arok isuak jadi anak baguno
Tapi Tuhan lain pulo pintaknyo
Sayang bana ayah jo bundo
Labiah sayang Tuhan kironyo apolah dayo

Sananglah sayang babuai disisinyo
Saru ayah jo mandeh ka sarugo

Bakicuah nak bakicuah mandeh kanduang
Barangguikkan kasiah sadang tatuntuang
Capek bana janjian tibo
Lah dijapuik di nan punyo anak sarugo
Tungga babeleang buyuang dek mandeh surang
Jantuang hati ko bana nan lah hilang

Alun lai pueh mandeh mambuaikan
Tangih nan manjo nan tangiang-ngiang
Takadia sia dapek manulaknyo
Jadilah kini jadi anak sarugo

Arok isuak jadi anak baguno
Tapi Tuhan lain pulo pintaknyo
Sayang bana ayah jo bundo
Labiah sayang Tuhan kironyo apolah dayo

Sananglah sayang babuai disisinyo
Saru ayah jo mandeh ka sarugo