Salah Denai Juo

Judul Lagu: Salah Denai Juo
Ciptaan: Harry Parintang

Sajak uda taruah luko
Di dalam hati denai ko
Taraso gamang taraso cangguang
Padiah hati antah baa mahapuihnyo

Sajak uda manunjuakkan
Sia uda nan sabananyo
Rupo nan elok dilua sajo
Di dalam hati uda panuah duto

Salah denai juo
Talampau manuruikkan mato
Sahinggo lupo mambaco hati uda
Ulah denai juo
Nan talupo caminkan diri
Sia bana denai di hati uda

Batahun denai bimbiang kasiah
Jo cinto nan putiah
Manga kok kini bahitamkan
Jo mambagi kasiah

Kok maaf nan ka ditangguahkan
Tiado lah gunonyo
Hati nan lah uda lukoi
Jo apo... jo apo... paubeknyo

Sajak uda manunjuakkan
Sia uda nan sabananyo
Rupo nan elok dilua sajo
Di dalam hati uda panuah duto

Salah denai juo
Talampau manuruikkan mato
Sahinggo lupo mambaco hati uda
Ulah denai juo
Nan talupo caminkan diri
Sia bana denai di hati uda

Batahun denai bimbiang kasiah
Jo cinto nan putiah
Manga kok kini bahitamkan
Jo mambagi kasiah

Kok maaf nan ka ditangguahkan
Tiado lah gunonyo
Hati nan lah uda lukoi
Jo apo... jo apo... paubeknyo