Batarawang Dewa

Judul Lagu : Batarawang Dewa
Ciptaan : Drs. David Bang Dudut

Lindok-lindoknyo awan mangko manjala siriah karakok
Lah tahibonyo badan dek guruah tak manjadi hujan
Mangkonyo maratok nan sibungo padi
Dek ungo indak ka manjadi buah
Yo malang yo malang ka badan diri

Sansai-sansainyo badan bak karisiak marindukan bungo
Ka badan den surang katumpang dunsanak banyak
Bak kapa nan gadang rabun lah pulo nakhodonyo
Kama lah tapian ka dibaok baiyo mak oi
Dek ulah jaeknyo kilek nan manyemba mato

Batingkanyo carano urang lilikkan santuang pilalainyo
Den batunggua malang nan talipuik dek kabuik malam
Dek hati nan laruikko kama ka dibaok
Dek hati nan laruikko kama ka dibaok

Bak bulan batarawang dewa abih cahayo lindok rononyo
Seso denai di ambiak urang ka palapeh tanyo
Bak bulan batarawang dewa abih cahayo lindok rononyo
Seso denai di ambiak urang ka palapeh tanyo

Batingkanyo carano urang lilikkan santuang pilalainyo
Den batunggua malang nan talipuik dek kabuik malam
Dek hati nan laruikko kama ka dibaok
Dek hati nan laruikko kama ka dibaok

Bak bulan batarawang dewa abih cahayo lindok rononyo
Seso denai di ambiak urang ka palapeh tanyo
Bak bulan batarawang dewa abih cahayo lindok rononyo
Seso denai di ambiak urang ka palapeh tanyo

loading...