Home » » Dalam Aia Bapaluah Juo

Dalam Aia Bapaluah Juo

Judul Lagu : Dalam Aia Bapaluah Juo
Ciptaan : Engga R.

Manangih buruang di sangkak
Manangih baibo-ibo
Mancaliak kayu nan rimbun daun
Badan takuruang apo ka dayo

Lah abih ladang jo parak
Lah abih tandeh sadonyo
Batambah bansaik badan nantun
Seso sansaro nan manimpo

Dalam aia badan bapaluah
Yo dek manahan parasaian
Sajak lahia badan sansaro
Dek ulah ayah nan maninggakan

Gamang-gamang denai tagamang
Jo mandeh kanduang babagi seso
Sanang-sanang bilo ka sanang
Takadia untuang nan bansaik juo

Manangih buruang di sangkak
Manangih baibo-ibo
Mancaliak kayu nan rimbun daun
Badan takuruang apo ka dayo

Karatau madang di hulu
Babuah alun babungo
Jikok marantau denai kok ragu
Dek mandeh kanduang ka surang sajo

Dalam aia badan bapaluah
Yo dek manahan parasaian
Sajak lahia badan sansaro
Dek ulah ayah nan maninggakan

Gamang-gamang denai tagamang
Jo mandeh kanduang babagi seso
Sanang-sanang bilo ka sanang
Takadia untuang nan bansaik juo

loading...
loading...
Previous
« Prev Post

0 komentar:

Poskan Komentar

Terima kasih sudah bersilaturahmi. Silahkan berkomentar sesuai isi tema bacaan. Tidak diperbolehkan promosi barang atau berjualan. Komentar yang disertai tautan link aktif dianggap spam

Alexa Site Stats
loading...