Kanai Sijundai


Judul Lagu : Kanai Sijundai
Ciptaan : Syahrul Tarun Yusuf

Pincuran Gadiang sati lubuaknyo
Lurah di huni urang bunian
Gunuang Singgalang ba ula nago
Jurangnyo dalam rimbo larangan

Tasabuik setan si Bujang Hitam
Suruahan Jidin si Rajo Hawa
Denai nyo sentak di tangah malam
Japuik tak dapek tunggu sabanta

Ulah tangkurak namonyo gasiang
Datang panyakik namo sijundai
Mulo taraso kapalo paniang
Tadanga urang maimbau denai
Raso di Lurah Pincuran Gadiang
Di baok angin yo sayuik sampai

Lah manggabubu asok kumanyan
Sinan nyo baka si jantuang pisang
Saru jo salak anjiang maluluang
Mangkuih ilimu si tujuah ragam

Raso ka putuih hati jo jantuang
Nyao di badan raso ka tabang
Tujuah lapisan langik den jujuang
Bumi den pijak raso tapanggang

Ulah tangkurak namonyo gasiang
Datang panyakik namo sijundai
Badan marayok mamanjek dindiang
Kini malatah di ateh banta
Runtuahan iman hati bapaliang
Kasiah nan indak dapek di larai

Lah manggabubu asok kumanyan
Sinan nyo baka si jantuang pisang
Saru jo salak anjiang maluluang
Mangkuih ilimu si tujuah ragam
loading...

Informasi lain yang kami bagikan :

0 komentar: