Usah Mandeh Tagamang


Judul Lagu : Usah Mandeh Tagamang
Ciptaan : Ajo Buduik

Oi mandeh... mandeh kanduang
Usahlah mandeh tagamang bana
Denai barangkek yo dari rumah
Pado di kampuang manyeso diri

Bialah nak den cubo
Hiduik bakureh di rantau urang
Kok lai mujua untuang di badan
Tabangkik juo batang tarandam

Kini den tinggakan
Kampuang halaman nan denai cinto
Dek untuang parasaian
Tinggalah dulu sanak sudaro
Hanyolah doa nan denai harok
Yo dari mandeh

Dek ayah alah tiado
Rilakan denai bajalan jauah
Sanangkan hati mandeh di kampuang
Bia salamaik denai nan pai

Kok nyampang lamo di rantau
Den kirim surek ka ganti diri
Kok lai namuah kapa mambaok
Den janguak juo mandeh di kampuang

Kini den tinggakan
Kampuang halaman nan denai cinto
Dek untuang parasaian
Tinggalah dulu sanak sudaro
Hanyolah doa nan denai harok
Yo dari mandeh
Hanyolah doa nan denai harok
Yo dari mandeh
loading...

Informasi lain yang kami bagikan :

0 komentar: