Larek Mananti


Judul Lagu : Larek Mananti
Ciptaan : Jai Caniago

Sayuik tangiang ratok maibo
Mambalah malamhilang di baok angin
Mandayo ramuak hati jo jantuang
Talinteh bayangan uda di rantau urang

Tabayang maso sairiang jalan
Untuang badan kasiah kito jauahkan
Ka rantau urang denai lapeh uda bajalan
Kini pulanglah oi uda gungguang den tabang

Batahun lamonyo denai manangguangkan
Bialah ondeh badan larek mananti
Manahan luluah ramuak luko di hati manangguang rindu
Asa kan cinto uda ka bakeh denai indak barubah

Kok bana saluang yo nan bapitunang
Cubo radokan dandam rindu di dado
Jikok bana baparindu bapakasiah
Tolong sintakkan buhua tali jantuang hati

Tabayang maso sairiang jalan
Untuang badan kasiah kito jauahkan
Ka rantau urang denai lapeh uda bajalan
Kini pulanglah oi uda gungguang den tabang

Batahun lamonyo denai manangguangkan
Bialah ondeh badan larek mananti
Manahan luluah ramuak luko di hati manangguang rindu
Asa kan cinto uda ka bakeh denai indak barubah

Kok bana saluang yo nan bapitunang
Cubo radokan dandam rindu di dado
Jikok bana baparindu bapakasiah
Tolong sintakkan buhua tali jantuang hati


Judul Lagu : Larek Mananti
Ciptaan : Novi

Rancak ranah nyo da oi di Maninjau lai
Tampak nan dari ndeh da oi Ambun Pagi
Tampak nan dari ndeh da oi Ambun Pagi, ragu badan den
Jikok santano da oi kanduang silau lai
Gilo maetong ndeh da oi untuang diri
Gilo maetong ndeh da oi untuang diri, ragu badan den

Baitu harok da oi ka nan kanduang lai
Jo dendang denai ndeh da oi manyampaikan
Jo dendang denai ndeh da oi manyampaikan, ragu badan den
Rindu di hati da indak tatangguang lai
Gilo di mabuak ndeh da oi angan angan
Gilo di mabuak ndeh da oi angan angan, ragu badan den

Lah lamo denai da kanduang tinggakan lai
Lah panek denai ndeh da oi mananti nyo
Lah panek denai ndeh da oi mananti nyo, ragu badan den
Pasaman indak da kanduang tinggakan lai
Oi kaba indak ndeh da barito tido
Oi kaba indak ndeh da barito tido, ragu badan den

Niaik pabilo da ka di sampaikan lai
Badan nan sadang ndeh da oi bajauahan
Badan nan sadang ndeh da oi bajauahan, ragu badan den
Rindu ka sia da denai katokan lai
Badan lah larek ndeh da di panantian
Badan lah larek ndeh da di panantian, ragu badan den

Bia lah kanduang da jauah di mato lai
Di batin indak ndeh da denai lupokan
Di batin indak ndeh da denai lupokan, ragu badan den
Bara ka lamo da den nanti juo lai
Hati ko lapuak ndeh da baju di badan
Hati ko lapuak ndeh da baju di badan, ragu badan den

Kok indak kayu da janjang di kapiang lai
Asa ka sampai ndeh da niaik di hati
Asa ka sampai ndeh da niaik di hati, ragu badan den
Kok nyampang kito da duduak basandiang lai
Sabana sanang ndeh da raso nyo hati
Sabana sanang ndeh da raso nyo hati, ragu badan den

Lirik Lagu Minang "Larek Mananti", ciptaan Jai Caniago, dipopulerkan oleh Kiky Geovani. Lirik Lagu Minang "Larek Mananti", ciptaan Novi, dipopulerkan oleh Novi
loading...

Informasi lain yang kami bagikan :

0 komentar: