Tampek Bagantuang Nan Lah Putuih


Judul Lagu : Tampek Bagantuang Nan Lah Putuih
Ciptaan : Yu MR

Oi jarajak di tanah taban ndeh da
Nan si mancuang di Parik Putuih
Oi kasiak badarai tabiang tinggi
Tampek bapijak nan lah taban ndeh da
Tampek bagantuang nan lah putuih
Oi kama denai manggapai lai

Di denai lai nan marusuah ndeh da
Bagai bagai datang cobaan
Oi makan bakuah aie mato
Alun tantu denai ka jatuah ndeh da
Uda baguluik manulakkan
Oi dek alah nampak ka gantinyo

Talampau bana muluik dun sanak ndeh da
Nan dek nasib denai nan malang
Oi bia bajalan di nagari
Aie mato ka lawan galak ndeh da
Nan bak paneh hari ka patang
Oi batambah lindok nan ka lai

Oi si bansaik batanam budi ndeh da
Urang tolong hilanglah guno
Oi bansaik tak ado mananyokan
Mangko tasisiah badan diri ndeh da
Urang lah rintang jo nan kayo
Oi di denai bansaik batangguangkan

Oi jarajak di tanah taban ndeh da
Nan si mancuang di Parik Putuih
Oi kasiak badarai tabiang tinggi
Tampek bapijak nan lah taban ndeh da
Tampek bagantuang nan lah putuih
Oi kama denai manggapai lai

Di denai lai nan marusuah ndeh da
Bagai bagai datang cobaan
Oi makan bakuah aie mato
Alun tantu denai ka jatuah ndeh da
Uda baguluik manulakkan
Oi dek alah nampak ka gantinyo
loading...

Informasi lain yang kami bagikan :

0 komentar: